Монгол улсын Ерөнхийлөгч Н.Энхбаярын урилгаар 14-р Далай лам Данзанжамц манай улсад энэ оны наймдугаар сарын 23-нд айлчлах гэж байна. Улс төрийн болоод шашны томоохон айлчлал болох нь дамжиггүй. Эртнээс танил Далай лам Данзанжамц саяхан түвдээр айлчлалаа хийгээд ирсэн билээ. Тэрээр өдгөө нас өндөр дээр гарсан хэдий ч энхтайван, сайн сайхны төлөөх ажлаа зогсоосонгүй хэвээр. Та бүхэн санаж байгаа биз ээ. Дээрхийн гэгээн 14-р Далай лам Данзанжамцын багшийн хойд дүр Тижан Чогбрул Ринбүүчи 94 настай шавь Гүрү дэва Ринбүүчийн урилгаар манай оронд 2003 онд айлчилж байсан. Үүний дараахан 14-р Далай лам манайд хэд хэдэн удаа айлчилсан билээ. Ямартай ч Монголчуудад элэгтэй байдаг Далай ламын хайр хишгийг хүртсэн бид үгүй мөн азтай улс юм аа гэж шүүрс алдах нэгэн ч байна билээ. Арга ч үгүй биз ээ. Буяны мөр хөөсөн ариун хүний айлчлал хойно доо. Далай ламын айлчлалын хүрээнд олон томоохон ажил төлөвлөгдсөн бөгөөд хурал номоор цангасан олон түмний минь сэтгэлийн цангааг тайлах нь. Их Монгол улс байгуулагдсаны 800 жилийн ойн арга хэмжээтэй давхцаж байгаагаараа уг арга хэмжээ нь тун онцгой ач холбогдолтой юм. Их ойн үйл ажиллагааны салхийг хагалж БНСУ-ын Ерөнхийлөгч зочилж байсан бол өдгөө шашны их зүтгэлтэн айлчилж буй нь бахархмаар хэрэг яах аргагүй мөн.

<Butsah>